ಮತ್ತೆ ಬರಬಾರದೇ ಮರಳಿ

ರಸ್ತೆಯ ಅಕ್ಕ ಪಕ್ಕಕ್ಕೆ ಬಣ್ಣ ಬಣ್ಣದ dress ತೊಟ್ಟು ಕಿವಿಯಲ್ಲಿ headphone, ಕಣ್ಣಗಳು ಏನೋ ಹುಡುಕುತಿರುವ ಭಾವ, ಮತ್ತೆ ಕೆಲವು time ಆಯ್ತು ಅನ್ನುವ ಆತಂಕ ಲಗುಬಗೆಯಿಂದ ದಾಪುಗಾಲು ಹಾಕುತಿರುವ ಹೆಜ್ಜೆಗಳು, hi, good morning ಅನ್ನುತ ಅಂತು ಗೂಡು ಸೇರಿದ ನಿಟ್ಟಿಸುರು........  ಅಂದಕ್ಕೆ ಚಂದಕ್ಕೆ ನಾಲ್ಕು ಮಾತು, ಹಾಗಾಯ್ತು ಹೀಗಾಯ್ತು ಅಂತ ಸ್ವಲ್ಪ ಹರಟೆ, ಅಂತು ಇಂತು market ಇಂದ ಹಿಡಿದು ದೇಶದ ಎಲ್ಲಾ ಸುದ್ದಿಗಳ ಕಡೆ ಒಂದು ಇಣುಕು ನೋಟ ಹಾಕಿ ಕೊನೆಗೆ google ಜೊತೆ ಹಗ್ಗ ಜಗ್ಗಾಟದ ಆಟ start............ ಸೂರ್ಯೋದಯದಿಂದ ಹಿಡಿದು ಸೂರ್ಯಾಸ್ತದವರಗೆ ಗಳಿಗೆಗಳ ಜೊತೆ ಒಡನಾಟ, ಕಷ್ಟಗಳ ಮನಗಳಿಗೆ ನಗುವಿನ ಮುಖ ತೋರಿಸಿದ ಅದೆಸ್ಟೋ ಸಮಯಗಳು....   ಹೀಗೆ ವರ್ಷಗಳು ಕಳೆದ ಮನಗಳಿಗೆ ನೆನಪುಗಳು ಮಾತ್ರ....... 

ಮತ್ತೆ ಬರಬಾರದೇ 

ಕಳೆದು ಹೋದ ದಿನಗಳು 

ಜೀವನದ ಮಧುರ ಕ್ಷಣಗಳು 

ದೀನವಿಡಿ ನಲಿದಾಡಿದ ಗಳಿಗೆಗಳು 

ಕೊನೆ ಇಲ್ಲದ ಮಾತುಗಳು 

ಮಾತಿಗೊಂದು ಹಾಸ್ಯ 

ಹಾಸ್ಯಕೊಂದು ಮಾತು 

ಕನಸಂತೆ ಕಳೆದ ವರುಷಗಳು 

ಗುರಿ ಮುಟ್ಟಿದ ಸಂತಸದ ನೆನಪುಗಳು 

ನೂರು ಭಾವನೆಗಳ ಮರೆಮಾಚಿ ಮನದಿ 

ನಗು ಅರಳಿಸಿದ ಮೂಖಗಳು 

ಮರಳಬಾರದೇ ಮತ್ತೆ 

Whenever I think of the past, it brings back so many memories. Steven Wright

ಯಾರು ನೀನು ????

ಯಾರು ಯಾರು ??????? ಕಾಣದ ಊರಿಲ್ಲ  ಇರದ ಜಾಗವಿಲ್ಲ ಒಮ್ಮೆ ಇತ್ತ ಒಮ್ಮೆ ಸುತ್ತ ಜಗದ ತುಂಬೆಲ್ಲ ನಿನ್ನದೆ ಸಾಮ್ರಾಜ್ಯ. ಹಗಿಲಿರಲಿ, ಇರುಳಿರಲಿ ಎತ್ತ ನೋಡಿದರು ನೆರಳಂತೆ ಹಿಂಬಾಲಿಸುವೆ. ತಪ್ಪಿಸಿಕೊಳ್ಳುವ ಜಾಣ್ಮೆ, ಮಿಂಚಿನ ಓಟ, ಯಾರ ಹಂಗಿಲ್ಲದೆ, ಬೇದ ಭಾವ ಎಣಿಸದೆ ಬೇರೆಯುವ ನಿನ್ನ ಸ್ವಭಾವಕೆ ಒಂದು ನಮಸ್ಕಾರ. ನಾ ಸತ್ತರು ಪರವಾಗಿಲ್ಲ ನನ್ನ ಬಂದು ಬಳಗಕ್ಕೆ ಕೊನೆಯಿಲ್ಲ ಎನ್ನುವ ಅಹಂಕಾರ. ತುಂಬಾ ಇಸ್ಟ ಪಡುವ ಸಂಗತಿ ನೀನು ಕೊಡುವ intimation ಯಾವ ಸಂಗೀತ ಸ್ವರಕ್ಕೂ ಮಿಗಿಲಾದುದು. ಅರೆನಿದ್ದೆಯಲ್ಲೂ ಬಡಿದೆಬ್ಬಿಸಿ ನಿನ್ನ ಕಾಣುವ ತವಕ ಸೃಷ್ಟಿಸುವ ಅಲರಾಮ god. ಆ ನಿನ್ನ ಒಂದು ಸ್ಪರ್ಶ ಅದೆಂತ ಮರೆಯದ ಸೆಳೆತ. ಏಚ್ಚರ friends ಇಂತ ಅನುಭವ ಖಂಡಿತ ನಿಮ್ಮ ಗಮನಕ್ಕೂ ಬಂದಿರಬಹುದು ಹಾಗಂತ ಮೈಮರೆತು ಸ್ನೇಹ ಬೆಳೆಸುವ ಪ್ರಯತ್ನ ಬೇಡ. 

ಯಾರೇ ನೀನು ????

ಜಗದಿ ನೂರಾರು ಗೆಳೆಯರು 

ಅರಿಯದ ಸಿರಿ

ಹುಡುಕಾಡುವ ಪರಿ 

ಮನವಾಗಿದೆ ಬುಗುರಿ 

ಹಗಲಿರಲಿ ಇರುಳಿರಲಿ 

ಬೆಂಬಿಡದ ತಿರುಗಾಟ 

ಆಹಾ!!!! ಆ ನಿನ್ನ ಸೆಳೆತ 

ನರನಾಡಿಯಲಿ ಮಿಂಚಿನ ಸೆಣಸಾಟ 

ಒಮ್ಮೆ ಅತ್ತ ಒಮ್ಮೆ ಇತ್ತ 

ಸುತ್ತಲು ಸಪ್ತ ಸ್ವರಗಳ ಗುನುಗಾಟ 

ನಿಂತರು ನಿನ್ನದೇ 

ಕುಂತರು ನಿನ್ನದೇ 

ಕೈಗೆಟುಕದ ಕುಣಿದಾಟ 

ಮಾಡಿದೆ ಮರುಳ 

ನಿನ್ನ ಈ ನಿಲುಕದ ಹಾರಾಟ. 

ನನ್ನವಳ ನೋಟಕ್ಕೆ ರೆಕ್ಕೆ ಪುಕ್ಕ ಬಂದಾಗ

ಅದೆಲ್ಲೋ ನೋಡಿದ ನೆನಪು, ಮತ್ತೆ ಮತ್ತೆ ಅದೇ ಭಾವಗಳು ಮನದ ಮೂಲೆಯಲ್ಲಿ ಬೆಟ್ಟದಷ್ಟು ನಿರೀಕ್ಷೆಗಳ ಮುಗಿಲೆರುತ್ತಿವೆ. ಬೇಡವೆಂದರೂ ಬಯಕೆಗಳು ನಾ ಮುಂದು ತಾ ಮುಂದೆನ್ನುವ ಸಂಘರ್ಷದ ಆಟಕ್ಕೆ ಮುಖ ಮಾಡಿ ಓಡುತ್ತಿವೆ. ಕಾರಣವಿಲ್ಲದೆ ನಗುತಿರುವ ಮನ, ಅಂದದರಮನೆಯಲ್ಲಿ ಹೊಸ ಹೊಸ ಬಣ್ಣಗಳ ಹೋತ್ತು ನಲಿದಾಡುವ ಆತುರಕೆ ಸಜ್ಜಾಗಿರುವ ಅರಳಿನಿಂತ ಹೂವಗಳು, ಆಫ್ರಿಕಾ ಖಂಡದ ಖಗ್ಗತ್ತೆಲೆಯ ನಾಡಲ್ಲಿ ಸೂರ್ಯನ ಇಣುಕು ನೋಟ, ಬರಗಾಲದಲ್ಲಿ ಓಯಾಸಿಸ್  ಸಿಕ್ಕಂತೆ ಕುಪ್ಪುಳುಸುತ್ತಿರುವ ಹೃದಯ.

ಬೆಟ್ಟದಾಚೆ ನಸುನಗುತ್ತ ನಿಂತ ಚಂದ್ರ ಮನೆಂಗಳದಲ್ಲಿ ಬೆಳಕು ಚೆಲ್ಲಿ ಜಗತ್ತೇ ಒಂದಾದ ಅನುಭವ, ಕಾಣದ ಕನಸೊಂದು ಬಾನೆತ್ತರದ ಆಸೆಗಳ ದೋಣಿಯನೇರಿ ಹುಡುಕಾಟದ ಪರ್ವಕೆ ಸಾಗುತಿದೆ ಎಡೆಇಲ್ಲದೆ. ಕಲ್ಲಿರಿಲಿ ಮುಳ್ಳಿರಲಿ ಬದುಕಿನ ಹಾದಿಯಲಿ ನಾ ನಡೆವೆ ಛಲದಿ ಎಂದು ಬಿಗುತಿದೆ ಹುಚ್ಚು ಕುದುರೆಯ ಮನಸ್ಸು. ಈ ಕನಸಿನ ಹಾದಿಯಲ್ಲಿ ಜಯವೋ ಅಪಜಯವೋ ಅರಿಯದೆ ಮುನ್ನುಗ್ಗುತ್ತಿದೆ ಅಳುಕದೆ ಅಂಜದೆ. 

ಚೈತ್ರದ ಸೊಬಗು ಮಾಸುವ ಮುನ್ನ ಮುಂಗಾರಿನ ಸಿಂಚನ ಹೊಸ ಇತಿಹಾಸಕ್ಕೆ ಮುನ್ನುಡಿ ಹಾಡುವ ಆತುರ. ಅಕ್ಷರ ಸಹ ಮರೆತು ಹೋಗಿದ್ದ ಸ್ನೇಹಕ್ಕೆ ಸಂಕೋಲೆಯ ಕೈ ಚಾಚಿದ್ದು ಫೇಸ್ ಬುಕ್ ನ ಆ ನಯನಗಳು. ಈ ಒಂದು ನೋಟ ಬದಲಾವಣೆಗೆ ಹಾದಿ ಆಗಿರುವದು ವಿಪರ್ಯಾಸ. ಬಹುಶ: ಇಂತಹ ಅನುಭವ ಅನೇಕರಿಗೆ ಆಗಿರಬಹುದು ಎನ್ನುವದು ನನ್ನ ಅಂಬೋಣ. ಕಲ್ಪೆನೆಯ ನೋಟದೊಂದಿಗೆ ನಡೆಯುತ್ತಿರಲಿ ಬದುಕು ನಿರಂತರ. ಸೋಶಿಯಲ್ ನೆಟ್ ವರ್ಕ್ ನೊಂದಿಗೆ ಇರಲಿ ಸ್ನೇಹ ನಿತ್ಯ ನಿರಂತರ. 

ಮರಳ ಒಡಲಲಿ 
ಬಚ್ಚಿಟ್ಟ ಕಪ್ಪೆ ಚಿಪ್ಪೊಳಗಿನ 
ಮುತ್ತಂತೆ ನನ್ನವಳ ನಯನ 
ನೀಲಿ ಆಗಸದಿ 
ಹೊಳೆವ ನಕ್ಷತ್ರದಂತೆ 
ಅದೊರಳಿಗಿನ ಕಾಂತಿ 

ಆಸೆಗಳ ಕಡಲಲ್ಲಿ 
ಕನಸುಗಳ ಬಿತ್ತಿ 
ಬಾನಾಡಿ ಚಂದ್ರಮನ 
ಭಾವಕ್ಕೆ ಬಯಸಿಹ 
ಮಲ್ಲಿಗೆಯ ಭ್ರಾಂತಿ 

ಬೆಳ್ಳೆನೆಯ ಹೊದಿಕೆಯಲಿ 
ಕಪ್ಪಿಟ್ಟ ಬೊಟ್ಟು 
ಮಿರಮಿರನೆ ಹೊಳೆವ 
ಅದರೊಳಗಿನ ಒಲವು 
ನನ್ನವಳ ಚೆಲುವು 

ಅಲ್ಲೊಮ್ಮೆ ಇಲ್ಲೊಮ್ಮೆ 
ಕ್ಷಣ ಕ್ಷಣಕು ಸರಿದಾಡಿ 
ಆ ನೋಟ ಈ ನೋಟ 
ಜಗವೆಲ್ಲ ಸುತ್ತಾಡಿ 
ಈ ಮೊಗಕೆ 
ನಾ ಸುಂದರಿ 
ಕಣ್ಣಸನ್ನೆಗೆ ನಾ ರಾಣಿ 
ಬೀಗಿ ಮೆರದಾಡಿ 
ಈ ನಯನಗಳೇ ಸಾಟಿ 
ನನ್ನವಳ ನುಡಿಗೆ 
ಕಣ್ಣೋಟ ಕುಡಿಗೆ 

Love is blind; friendship closes its eyes. - Friedrich Nietzsche